கவலை இன்றி, மகிழ்ச்சி யுடன் வாழ வழி -19!

ஓகஸ்ட் 10, 2010

கவலை இன்றி, மகிழ்ச்சியுடன் வாழ வழி -19!

1. Take a 10-30 minute walk every day. And while you walk, smile. It is the ultimate anti-depressant.

தினமும் 10 முதல் 30 நிமிடங்கள் நடைப் பயிற்சி மேற்கொள்ளுங்கள். அதுவும் புன்னகையோடு! இவை இரண்டும் சிறந்த மனச்சோர்வு நீக்கும் மருந்துகள்!

2. Sit in silence for at least 10 minutes each day.

தினமும் 10 நிமிடம் அமைதியாக உட்காருங்கள்!

(செல்போன்ல பேசாம, Ipod ல பாட்டு கேக்காம, TV ல படம் பாக்காம, Laptop ல Blog எழுதாம! கொஞ்சம் கஷ்டமோ!)

3. When you wake up in the morning complete the following statement, “My purpose is to ______ today.”

காலையில் கண் விழிக்கும் போது, இன்று நான் ………. இதைச் செய்து முடிப்பேன் என்று உறுதி கொள்ளுங்கள்.

4. Live with the 3 E’s — Energy, Enthusiasm and Empathy.

ஆற்றல், ஆர்வம், கருணை இவை மூன்றையும் கைக்கொள்ளுங்கள்

5.  Plan to read at least one book every month .

மாதம் ஒரு புத்தகமாவது படியுங்கள்.

6. Make time to practice meditation or prayer. They provide us with daily fuel and a mental center to focus on in our busy lives.

கடவுள் வழிபாட்டுக்கும், தியானத்திற்கும் நேரம் ஒதுக்குங்கள். நம் பரபரப்பான வாழ்க்கைப் பயணத்தில் மன ஒருமைப்பாட்டை வளர்க்க இவை உதவும்.

7. Spend more time with people over the age of 70 and under the age of 6.

6 வயதுக்குக் குறைவான குழந்தைகளிடமும், 70 வயதிற்கு அதிகமான முதியோரிடமும் அதிக நேரம் செலவழியுங்கள்.

(ஏன்னா இவர்கள் கடவுளின் செல்லப் பிள்ளைகள்…. கல் நெஞ்சம் அற்றவர்கள்)

8.Dream more while you are awake.

விழித்திருக்கும் போது நிறைய கனவு காணுங்கள்.

(கலாம் சொன்னது போல)

9. Try to eat more foods that grow on trees and plants and eat less food that is manufactured in plants.

தொழிற்சாலைகளில் தயாரிக்கப்படும் உணவுகளை விட இயற்கையாக மரம், செடிகளில் விளையும் உணவுப் பொருட்களை சாப்பிடுங்கள்.

10. Drink green tea and plenty of water.

அதிகமாக தண்ணீர் மற்றும் மூலிகைத் தேயிலை அருந்துங்கள்

(இங்கு தண்ணீர் என்பது ”H2O” வை மட்டும் குறிக்கும்)

11. Try to make at least three people smile each day with your humor sense..

உங்கள் நகைச்சுவை உணர்வால், தினம் ஒருவரையாவது சிரிக்க வையுங்கள்.

12. Clear clutter from your house, your car, your desk and let new and flowing energy into your life .

கன்னா பின்னாவென்று கிடக்கும் உங்கள் வீடு, கார், மேசை ஆகியவற்றை ஒழுங்காக வைத்துக் கொள்ளுங்கள்.

13. Don’t waste your precious energy on gossip, OR issues of the past, negative thoughts or things you cannot control. Instead invest your energy in the positive aspects of the moment.

தேவையில்லாத கிசு கிசுக்கள், ”மொக்கைகள்”, எதிர்மறை சிந்தனைகள், உங்களால் கட்டுப்படுத்த இயலாத நிகழ்வுகள் இவற்றில் உங்கள் பொன்னான நேரத்தினை வீணாக்காதீர்கள். நேர்மறை சிந்தனைகளில் உங்கள் நேரத்தை முதலீடு செய்யுங்கள்.

14. Realize that life is a school and you are here to learn. Problems are simply part of the curriculum that appear and fade away like algebra class, but the lessons you learn will last a lifetime.

வாழ்க்கைப் பாடத்தில் பிரச்சினைகள் ஏற்படுவது சகஜம்… அதை மறந்து விடுங்கள்! ஆனால் அது கற்றுத்தந்த படிப்பினையை ஒரு நாளும் மறவாதீர்கள்!

15. Eat breakfast like a king, lunch like a prince and dinner like a college going girl .

காலை உணவை ராஜா போலவும், மதிய உணவை ராணி போலவும், இரவு உணவை கல்லூரி மாணவி போலவும் உண்ணுங்கள்.

16. Smile and laugh more. It will keep the negative blues away.

எப்பொழுதும் சிரித்துக் கொண்டே இருங்கள்!

(பாக்குறவங்க பைத்தியகாரன்னு சொன்னாக் கூட பரவாயில்ல… வசூல் ராஜா படத்துல பிரகாஷ்ராஜ் சிரிப்பாறே அது மாதிரி சிரிச்சுட்டே இருங்க)

17. Life isn’t fair, but it’s still good.

வாழ்க்கை எப்போதும் நியாயமானதல்ல எனினும் சிறந்தது.

18. Life is too short to waste time hating anyone.

வாழ்க்கை மிகவும் குறுகியது. மற்றவர்களை வெறுப்பதில் நேரத்தை வீணடிக்காதீர்கள்

19. Don’t take yourself too seriously.

கடைசியாக, கவலைப்படாதே சகோதரா,

(ஒன்று போனால் One More உள்ளதடா! புரியும்னு நெனக்கறேன்)

மகிழ்ச்சியுடன்,

ராம்மோகன்.


வேலை வாய்ப்பு தேடலில் வெற்றி பெற!

ஜூலை 10, 2010

வேலை தேடுவது என்பது கனிகள் நிறைந்த மாமரத்தில் இருந்து கனியைப் பறிப்பது போன்றது.

வேலை தேடும் வேலை!

சிலர் கண்ணை மூடிக் கொண்டு மரத்தில் கல்லெறிவர்(அனைத்து    வேலைகளுக்கும் விண்ணப்பிப்பது),

சிலர் அர்ச்சுனன் போல் குறி வைத்துத் தாக்குவர்(தங்கள் தகுதிக்கு ஏற்ற வேலைக்கு மட்டும் விண்ணப்பிப்பது),

சிலர் மாமரத்தின் அடியில் படுத்துக் கொண்டு மாங்கனிகள் கிடைக்காதா என ஏங்குவர் ( மாவட்ட வேலை வாய்ப்பு அலுவலகத்தில் பதிவு செய்து விட்டு காத்திருப்பர்).

எது எப்படியோ!

வேலை வாய்ப்புத் தேடலில் வெற்றி பெற இணையதளங்களின் பங்கு இன்றியமையாதது. அவைகளைப் பற்றிப் பார்ப்போம்!

வேலை வேண்டுமா வேலை!

முதலில்,

Naukri.com இணையதளம். என் நினைவறிந்த காலத்தில் இருந்து முதலிடத்தில் இருக்கும் வேலை வாய்ப்பு தேடல் இயந்திரம். (Job Search Engine). இத்தளத்தில் நீங்கள் வேலை தேடுவது, விண்ணப்பிப்பது மட்டுமல்லாது, பல்வேறு முன்னணி நிறுவனங்களில் இருக்கும் தேவை பற்றிய அறிவிப்புகளை, அந்த நிறுவனங்களின் Career இணைப்பிலிருந்து பெறலாம். இது மட்டுமல்லாது உங்கள் தகுதிக்கேற்ற வேலைகளை உங்கள் மின்னஞ்சல், அலைபேசியில் பெறுவதோடு SMS மூலமும் வேலைக்கு விண்ணப்பிக்கலாம்.

இரண்டாவதாக,

Shine.com வலைத்தளம். வேலை வாய்ப்புத் தேடலுக்கான அனைத்து அம்சங்களுடன், இதன் மற்ற சிறப்பம்சங்கள் Career Advice மற்றும் Industry Information. வேலை தேடும் வேலையின் அடுத்த அங்கமான நேர்முகத்தேர்வுக்கு இந்த இரண்டு பிரிவுகளும் உதவும் என்பதில் சந்தேகமில்லை.

மூன்றாவதாக,

Freshersworld.com இணையம். முற்றிலும் புதியவர்களுக்கானது. கல்லூரியில் இருந்து வெளியே காலடி எடுத்து வைப்பவர்களுக்கு சிறந்த வழிகாட்டியாக விளங்குகிறது. வேலைவாய்ப்புத் தேடலின் முதல் மைல் கல்லான Written Test என்றாலே பலருக்கு அலர்ஜி. இதில் வெற்றி பெற வெவ்வேறு நிறுவனங்களின் Placement Papers இத்தளத்தில் கொடுக்கப்பட்டுள்ளது. இது போக MBA, GATE, GRE போன்ற முதுகலைக் கல்லூரிப் படிப்புகளுக்குத் தயாராவதற்கான வளங்கள் கிடைக்கின்றன.

விஸ்வநாதன் வேலை வேண்டும்!

அடுத்ததாக

Careerage.com இணையத்தளம். உங்கள் Qualification மூலம் வேலை தேடும் சிறப்பு இதன் வெற்றிக்கான காரணம். மற்ற வேலை வாய்ப்பு தேடல் இயந்திரங்களின் குறையும் இதுவே. கல்லூரியில் படித்த படிப்பை தேர்வு செய்து வேலை தேடலாம் இந்த இணையத்தில்.

ஐந்தாவதாக,

fundoodatajobs.com தளம். நீங்கள் இத்தளத்தில் நேரடியாக நிறுவனங்களுக்கே உங்கள் Resume அனுப்ப முடியும். Apply Directly to Companies என்ற வாசகத்தை தாங்கி வரும் இந்த இணையம் உங்கள் வேலை வேட்டையில், வெற்றி பெற உதவும் என்பதில் சந்தேகமில்லை.

சரி, சரி,

”அரைக் காசு சம்பளமானாலும் அரசாங்க சம்பளம், கால் காசு சம்பளமானாலும் கவர்ன்மெண்ட் சம்பளம்” என்ற நோக்கம் கொண்டவரா நீங்கள்… அரசாங்க வேலையில் உள்ள காலியிடங்கள் பற்றிய அறிவிப்புகளை தரும் தளங்கள் இதோ… sarkarjobs.comமற்றும் http://sarkari-naukri.blogspot.com/

A to Z வேலை வாய்ப்புத் தளங்களின் தொகுப்பு:

http://jobsitesindia.com

உங்கள் வேலை தேடும் படலத்தில் வெற்றிச் செய்தியைப் பெற விழையும்,

ராம்மோகன்.


போர்க்களமா வாழ்க்கை – தன்னம்பிக்கை கவிதை

ஜூன் 28, 2010
போர்க்களமா வாழ்க்கை?
பார்க்கலாமே ஒரு கை!

சோர்ந்து விடாதே!
இதுதானா வாழ்க்கை என்று
கோழைகளின் பட்டியலில்
சேர்ந்து விடாதே!

இல்லையென்பார்,
இருப்பதைக் கொடுப்பாய்;
இன்னமும் என்பார்
இதுதான் முடியும் என்பாய்!

மறுகணமே
கஞ்சப் பிரபு என
புறம் கூற புரண்டு நிற்கும்
பஞ்சப் பிரபுவின் நாக்கு!

கொடுத்ததை
திரும்பக் கேட்டால்
கோமாளி என்பான்;
இரக்கப்பட்டு விட்டுவிட்டாலோ
ஏமாளி என்பான்!

நாம் இழைக்கும்
தவறுகளிலே
கதைப் பேசி
பிழைக்கும் கூட்டங்கள்

இந்த
நயவஞ்சக நாக்கினைக் கண்டு;
கதற வேண்டாம் -உன்மனம்
பதற வேண்டாம்!

வீணாய்
ஒலித்துக்கொண்டிருக்கும்
ஓநாய்களின்
ஒப்பாரி சத்தமிது..

தானாய்
குறைந்து விடும்;
ஒரு நாள் காணாமலே
கறைந்து விடும்!

கருணையற்ற கூட்டம்
காணும்படி,
கண்ணீரை மட்டும்
சிந்தி விடாதே!

இவர்கள் -உன்
விழி நீரிலே விளையாடும்
விந்தை மனிதர்கள் -உன்
கண்ணீரிலே கவிபாடும்
கந்தை மனிதர்கள்!

வில்லில் பூட்டின
அம்புக்கும்,
அவர்கள் நாவிலே
பிறக்கும் வார்த்தைகளுக்கும்,
அதிக வித்தியாசமில்லை!

இரண்டுமே
காயப்படுத்திவிட தயாராய்;

அம்பின் கூர்மையும்
மழுங்கி விடலாம்;
வம்பளக்கும் அவர்களின்
நாவுகளோ ஒருநாளும்
மழுங்கி விடாது!

புறம் கூறிடும்
வஞ்சக கூட்டத்தின்;
நிறம் மாறிடும் நாட்கள்
வெகு தொலைவில்
அல்ல தோழா!

நன்றி கெட்ட
மனிதனின் நாக்கு;
அப்படி இப்படி
புரளத்தான் செய்யும்!

அவனுக்கும்
ஒரு கூட்டம்;
எப்படி எப்படியோ
திரளத்தான் செய்யும்!

போகட்டும்
அவர்களிடம் இல்லாத,
ஆனால் உன்னிடம் இருக்கும்
ஒரே ஆயுதம் மன்னிப்பு!

இவர்களைப் பற்றி
இனி மனதிலே
சிந்திக்கவும் வேண்டாம்!

மறந்தும் கூட
நிந்திக்கவும் வேண்டாம்!

காலம் கண் போன்றது!
கவனித்துக்கொண்டே இருக்கிறது!!

நன்றி: ஷீ-நிசி

மேலும் தன்னம்பிக்கைக்கு Rammohan இணையத்திலிருந்து:

தன்னம்பிக்கை சிந்தனைகள் – பா.விஜய்

தன்னம்பிக்கையை அதிகரிக்கச் செய்யும் வழிமுறைகள்(படங்களுடன்)

சுயம் போற்றி…தன்னம்பிக்கையூட்டும் கவிதை

தன்னம்பிக்கை டானிக்-1(பொன்மொழிகள்)

மகோன்னதம் (கவிதை)

கெமன்ஸிடம் இருந்து கற்றுக் கொள்ள வேண்டியது

நம்பிக்கை ஊன்றி நட..

நம்பிக்கை விதை

விடியலை நோக்கி…

நெருப்பாய் இரு!

கண்களின் அருவியை நிறுத்து!

பாதை மறிக்கப்பட்ட நதியே பீறியெழும்!!

வளைவுச் சாலைப் பயணம்!

நீ உனக்கான வரம்


தன்னம்பிக்கைக் கவிதை – பா.விஜய்

ஜூன் 22, 2010

நம்பிக்கையுடன்
மரங்கள் காற்றைச்
சுத்தம் செய்கின்றன
நம்பிக்கை மனசை
சுத்தம் செய்கிறது

கர்வம் வை
கிராம்; கணக்கில்!

நம்பிக்கை வை
கிலோ கணக்கில்!

நகம்கூட
நாளுக்கு
.001 அங்குலம்
வளர்கின்றது

நாம்?

பா.விஜயின் இணையத்திலிருந்து

மேலும் தன்னம்பிக்கைக்கு Rammohan இணையத்திலிருந்து:

தன்னம்பிக்கை சிந்தனைகள் – பா.விஜய்

தன்னம்பிக்கையை அதிகரிக்கச் செய்யும் வழிமுறைகள்(படங்களுடன்)

சுயம் போற்றி…தன்னம்பிக்கையூட்டும் கவிதை

தன்னம்பிக்கை டானிக்-1(பொன்மொழிகள்)

மகோன்னதம் (கவிதை)

கெமன்ஸிடம் இருந்து கற்றுக் கொள்ள வேண்டியது

நம்பிக்கை ஊன்றி நட..

நம்பிக்கை விதை

விடியலை நோக்கி…

நெருப்பாய் இரு!

கண்களின் அருவியை நிறுத்து!

பாதை மறிக்கப்பட்ட நதியே பீறியெழும்!!

வளைவுச் சாலைப் பயணம்!

நீ உனக்கான வரம்


நூறாவது பதிவு – Rammohan’s Blog

ஜூன் 2, 2010

இதோ வந்துவிட்டது நூறாவது பதிவு….

எத்தனை ரன்கள் எடுத்தாலும் நூறு அடித்தவுடன் வருகின்ற மகிழ்ச்சி, ஆரவாரம் , கொண்டாட்டம் இருக்கிறதே! அது தான் நூறு என்ற எண்ணின் தனிச் சிறப்பு!

நவம்பர் 26,2008 பதிவுலகில் WordPress வாயிலாக நுழைந்த நாள். அதற்கு முன்னர் Blogspot ல் வலைப்பூ வைத்திருந்தாலும் நாம் எழுதி என்னத்த சாதிக்கப் போகிறோம் என்ற ஒரு எண்ணம்/ சோம்பல் இருந்தது. Blospot ல் இருந்த Themes பிடிக்காததாலும், WordPress ன் எளிமையான அமைப்பாலும் இங்கு வந்தாயிற்று…

இணையதளங்களுக்கு சமூக மாற்றத்திற்கு வித்திடும் சக்தி இருக்கின்றது என்பதை கண்கூடாக ஆனந்த விகடனின் கட்டுரையான விகடன் ஸ்டார் அலேக்யா வும், குமுதத்தின் சாதித்துக் கொண்டிருக்கும் செந்தில்குமார் கட்டுரையும் கண்கூடாக உணர்த்தியது. இக்கட்டுரைகள், இவர்களது செயல்பாடுகள் தந்த உற்சாகத்தால் தொடர்ந்து எழுதிக்கொண்டிருக்கிறேன், எனக்கென்று சில கொள்கைகள் வகுத்துக் கொண்டு! பதிவில் எழுத விஷயங்கள், படங்கள், காணொளிகள் ஆயிரக்கணக்கில் இருந்தாலும் தனிமனித/ சமூக முன்னேற்றத்திற்கு வித்திடும் பதிவுகளை மட்டும் எழுதுவது/ பகிர்ந்து கொள்வது என்ற உறுதி கொண்டேன். அதனால் தன்னம்பிக்கை, தொழில்நுட்பம், சமூக மேம்பாடு அவ்வப்போது சற்று ’மதிமயக்காத’ பொழுதுபோக்கு என்று எனக்கே உரிய பாதையை வகுத்துக் கொண்டேன்.

பா.ராகவன் அவர்கள் தனது Excellent புத்தகத்தில் எழுதிய, ”புத்தகம் என்பது வாசிப்பவரை ஒரு அங்குலமாவது உயர்த்த வேண்டும்” என்கிற கூற்று பதிவுலகத்திற்கும் பொருந்தும். அதனால் ஒவ்வொரு பதிவையும், ”வாசிப்பவர்கள் ஒரு mm ஆவது உயர வேண்டும்” என்று மிக்க கவனத்துடன் பதிப்பிக்கிறேன்.

Tamilish தளத்தின் வருகைக்குப் பின்னர் தளத்திற்கு வரும் பார்வையாளர்கள் அதிகமாயினர் என்றாலும், தரமான இடுகைகளுக்கு இருக்கும் ஆதரவு குறைவு என்பது பல சமயங்களில் காணப் பெற்றேன். என் தளத்திற்கென்று தனியாக வாசகர்கள் இல்லாதது, குறைவான இடுகைகளிடுவது, பின்னூட்டங்களுக்கு சரியான பதிலளிக்காமலிருப்பது, ”காரசாரமாக” பதிவுகள் எழுதாமல் ”ஒரு mm ஆவது உயர வேண்டும்” போன்ற ”கொள்கைப் பிடிப்புகளை” வைத்திருப்பது போன்றவையும் குறைவான பார்வைகள்/ பின்னூட்டங்களுக்குக் காரணமாக இருக்கலாம் என்பதை உணர்ந்தாலும், அதனைப் பற்றியெல்லாம் கவலைப் படாமல் மன நிறைவுடன், நிதானமாக எடுத்து வைக்கிறேன் ஒவ்வொரு அடியையும்!

–  ராம்மோகன்


Creative Ads of Gawaskar

மே 11, 2010

சென்னையை சேர்ந்தவர் கவாஸ்கர் விஸ்வநாதன். இவர் தனது கற்பனைத் திறமையால் பல சமுக நலன் மிக்க விளம்பரங்களை  உருவாக்கி தனது வலைப் பதிவில் (My Creatives) இணைத்துள்ளார். ஒரு தமிழருககுள்ளே   ஒளிந்திருந்த கற்பனைத் திறமையை பாராட்டும் வாய்ப்பாகவும் அவரது திறமைகளை எனது வலைப் பக்கத்திற்கு வருபவர்களுடன் பகிர்ந்து கொள்ளவும் கிடைத்த ஒரு சந்தர்ப்பமாக இதைக்கருதுகிறேன்.

இதோ முதலாவது படைப்பு.

இன்றைய அவசியத்தேவை….?

மரங்கள்.

இதே நிலை நீடித்தால் இந்தியாவின் தேசியக் கோடியில் பசுமையின் அடையாளமான பச்சை நிறம் காணாமல் போய்விடும் என்கிறார்.அதனால் மரம் வெட்டுவதை நிறுத்தி விடுங்கள்!

இந்த படத்தை பார்த்தீர்களா ?

ஏசு  சிலுவை இல்லாமல் இருக்கிறாரா?

மரங்கள் பற்றாக்குறை!

Drink & Drive என்பது Drink & Die என்பதே!

இதோ இரத்த தானைத்தை வலியுறுத்தும் அற்புதமான படைப்பு.

He is not alive now

என்ற ஒரு வரிக் கதையை

He is alive now

என்று மாற்றும் சக்தி நம்மிடம் தான் உள்ளது.

அதனால் இரத்த தானம் செய்வோம் என்கிறார்.

மக்கள் தொகையை கட்டுப்படுத்த தனது வழிமுறைகளைக் சொல்கிறார். இதோ…

வளரும் தமிழரை வாழ்த்துவோம்  வாருங்கள்!

அவரது இணையம்: http://www.gawaskar.blogspot.com/

(மேலும் பல விளம்பர படங்கள் காணக் கிடைக்கின்றன)

Tamilish தளத்தில் வாக்களிக்க இங்கே கிளிக்கவும்

Recent Posts:

பணம் செய்ய உதவும் இணையதளங்கள்

Technology Development – Video

மே தின வாழ்த்துக்கள்!

கன்னியாகுமரி புகைப்படங்கள்

Phobia – பயம் பயமறியாது!

Google India Shopping Tool


Google India Shopping Tool

ஏப்ரல் 14, 2010

Google தனது இந்திய சேவையின் மேலும் ஒரு அம்சமாக Shopping Tool ஐ வெளியிட்டுள்ளது. இதன் மூலம் இந்தியாவில் உள்ள 30,000 இணையதளங்களில் இருந்து தகவல்களை சேகரித்து நமக்கு கொடுக்கும்.

எடுத்துக்காட்டாக Sony Ericsson k810i என்ற மொபைல் போனின் விலை பற்றி அறிய,

1.Google.co.in இணையதளத்திற்கு செல்லுங்கள்.

2. Search boxல் Sony Ericsson k810i என்று Type செய்து Search செய்யுங்கள்.

3. இப்போது மேலே உள்ள Show Options என்னும் இணைப்பை அழுத்துங்கள்.

4. இடது புறம் உள்ள Shopping என்னும் இணைப்பை அழுத்தி Sony Ericsson k810i எந்த விலையில் இணையத்தளங்களில் விற்பனை செய்யப்படுகிறது என்பதனை அறிந்து கொள்ளலாம்.

5. இடது புறம் உள்ள விலையை வைத்து வடிகட்டும் வசதியினையும் நமது Price Range கொடுத்தும் உபயோகித்துக் கொள்ளலாம்.

இணையதளத்தின் மூலம் பொருட்களை வாங்குகிறோமோ, இல்லையோ Washing Machine, TV, Refrigerator, Laptop போன்ற எலக்ட்ரானிக் சாதனங்களை வாங்கும் முன் அதன் விலைப் பட்டையை முடிவு செய்து குறைவான விலைக்கு வாங்க இத்தளம் உதவிடும் என நினைக்கிறேன்.

வாழ்க Google சேவை!

மேலும் கூகுளின் SMS Channel-இலவச சேவை பற்றி அறிய..

Tamilish தளத்தில் வாக்களிக்க இங்கே கிளிக்கவும்

Recent Posts:

விக்ருதி வருட‌ ராசி பலன்கள்

விக்ருதி – தமிழ்ப் புத்தாண்டு நல்வாழ்த்துக்கள்

Excellent Excel Games for Download

சுயம் போற்றி…தன்னம்பிக்கையூட்டும் கவிதை

Chicken a la carte -Short Film: 6 Min